Ненан мотт
Ненал дац х1умма а деза, Дахар а цуьнца ду доьзна. Ненан мотт бу вайна беза, Ю иза исбаьхьа хазна.
Сан ненан маттахь ду аз а, Ненан мотт бу даим сица. Лаьа-кха суна и хаза! Хаза и лаьа-кха бийца.
Ас ненан маттахь йо ойла, Цуьнца сан доьзна ду лелар. Ю иза сан синан г1овла, Сан ненан маттахь ду велар.
Ша безча, цо воккху т1ома, Халонехь хуьлу накъост а,
Ю иза башхалла къоман, Хазачу г1иллакхийн хьоста.
Ду иза ч1ог1ачех герз а: Къийсамехь милла а цосту. Бийцича ша аьхна, мерза, Г1орийна дегнаш цо досту.
Х1орд хуьлий цкъа иза беста, Оьшучохь мостаг1ий човхо. Делахь а лаьа-кха хьеста Адамаш, луш царна йовхо.
Ненан мотт бу беза вайна. Исбаьхьа хазна и хета. Ма диса вай иза байна, Йишйоцуш вай вовшех кхета
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.